جنګونه ودروئ
* * *
* * *
ای د جنګ غاړو دا روان جنګــــــــــــونه ودروئ
دا د افغــــــــان په وینو ډک سینــــــــدونه ودروئ
ترڅـــــــــــوبه هره ورځ روانې جنــــــــازې وي دلته
د خـــــــــــدای په پار دا ناروا قتلــــــــونه ودروئ
ولې دبل په لمســون خپل ښکلی وطن ورانوئ؟
په خپل وطـــــــن کې د جګـــــړې اورونه و دروئ
د کونډو رنډو یتیمانو غږ اسمــــــــــــــــان ته رسي
نور مو په کليــــــــــــــــــو راروان بمـــونــــه ودروئ
زمـــــــــوږ د خاورې هر قـدم په هــدیرو ډک سوی
بس کړئ ، وطن کې په هر کور غمــــــونه ودروئ
تر څو به دا وطن سوزیږي د جـــــــګړو په اورکې
جنـــــګونــــــــه ودروئ دا مـــرګــــــــــونــه ودروئ
د وطن مــــــــــوردی چې ځوریږي دبچو په ویرکې
نور دې ویرجنې وطــــــــــــن مور دردونه ودروئ
* * *
حفیظ الله خالد
ویانا / ۷ /۹/ ۲۰۱۰
No comments:
Post a Comment